(цифрлық сауаттылық 4 сынып)

§3. Логикалық операторлар

Бүгінгі сабақта:

Scratch программалау ойын ортасында логикалық операторлармен танысып, оларды жүзеге асыруды үйренесің.

Тірек сөздер:

логикалық оператор – логический оператор – logical operator
және – и – and
емес – не – not

Сабақтың барысы

Scratch программалау ортасында блоктар қандай қызмет атқарады?
Неліктен әр блокқа түстер тағайындалған?
Операторлар блоктары жайлы қандай ақпараттар білесің?

Операторлар – бос ұяшыққа енгізілген деректерге математикалық, салыстыру, кездейсоқ таңдау амалдарын қолданатын команда блоктары.

Scratch программалау ортасындағы Код бөлімінде операторлар блоктары орналасқан (1-сурет). Операторлар бірнеше түрге бөлінеді: арифметикалық, салыстыру және логикалық.

1-сурет. Операторлар блоктары

Логикалық операторлар

Бүгінгі сабақта Scratch программалау ортасындағы логикалық операторлармен танысамыз. Олар программалау ортасында жасыл түспен боялған. Логикалық операторлардың қарапайым командалары: және, немесе, емес. Саған айтылған ақпараттар ақиқат немесе жалған деп сипатталуы мүмкін. Әңгіме қарапайым немесе күрделі болуы мүмкін. Дәл осы қағида сияқты Scratch-те логикалық операторларды пайдаланып, логикалық пікірді анықтауға болады.

Логикалық операторларды пайдалана отырып, біз ақиқат (true) немесе жалған (false) деген пікірлердің нәтижесін алу үшін, қатынастардың, екі немесе одан да көп өрнектердің мәндерін салыстыра аламыз.

Мысалдарға назар аудар!

Шамамен 2000 жыл бұрын өмір сүрген ежелгі грек философы Аристотель «логиканың атасы» саналады.

Ол алғаш философия ғылымында дұрыс ойлап, шешім шығару кезінде логикаға сүйену керектігін айтты. Аристотель «логиканың атасы»
https://ru.wikipedia.org/wiki/%D0%90%D1%80%D0%B8%D1%81%D1%82%D0%BE%D1%82%D0%B5%D0%BB%D1%8C
https://ru.wikipedia.org/wiki/%D0%9B%D0%BE%D0%B3%D0%B8%D0%BA%D0%B0